Калі і слухаць гісторыю стварэння Мінска - то толькі ў "Старым Менску" разам з Глебам Лабадзенка!

Адкрыйце для сябе неверагодны свет жыцця нашых продкаў 1000 гадоў таму! На аграсядзібе ў в. Гарадзішча звыш 500 экспанатаў Х- ХІ стагоддзяў, безліч найцікавейшых прадметаў і каштоўнасцей. Мы наведаем дзве экспазіцыйныя залы і замчышча, пройдземся шляхамі Усяслава Чарадзея  і ўспомнім урокі гісторыі.

Аграсядзіба “Стары Менск” знаходзіцца за 150 метраў ад Археалагічнага комплекса на рацэ Менка, замчышча Х стагоддзя, дзе пачынаўся і першыя два стагоддзі знаходзіўся Менск. Ужо 90 гадоў тут ідуць археалагічныя раскопкі, знойдзеныя тысячы экспанатаў. Яны даюць добрае разуменне ўсіх сфераў жыцця тагачасных людзей.

Мы шмат ведаем пра маляваныя дываны Алены Кіш і Язэпа Драздовіча, але амаль нічога пра людзей, якія малявалі ў тыя ж часы на шкле і такім чынам таксама дазвалялі беларусам упрыгожыць свае хаты.

Такое мастацтва завуць інсітным, ці наіўным. А асаблівая назва малюнкаў на шкле – “відзікі”. Росквіт гэтых малюнкаў прыпаў на пяцідзесятыя гады, калі людзі ў вёсках хацелі дадаць у жыццё кроплю святла, надзеі і квяцістай радасці. Сярод "відзікаў" можна сустрэць карцінкі розных жанраў: інтэр’ерныя карцінкі, карцінкі-рамкі для фотаздымкаў, абразкоў і абразы.

Пазнаёміцца з дзівосным светам відзікаў нам дамапожа Воля Трубач. Дзякуючы ёй у Беларусі з'явілася аблічбаваная калекцыя роспісу па шкле з усёй краіны! Зараз у ёй налічваецца каля 140 фотаздымкаў.

У 2023 годзе традыцыйны роспіс па шкле афіцыйна прызналі аб'ектам нематэрыяльнай культурнай спадчыны Беларусі! І мы з вамі пад кіраўніцтвам Волі будзем ствараць свае карціны-відзікі.

Кошт:

Уключана ў кошт:

• экскурсія па сядзібе-музею Стары Менск;
• майстар-клас па "відзікам";
• абед.