Напрыканцы чэрвеня надыходзяць самыя доўгія дні, самыя кароткія цёплыя ночы. Сонечныя прамяні грэюць ва ўсю моц і надаюць усяму наваколлю магутнасць.  Дзень летняга сонцастаяння беларусы здаўна адзначаюць святам Купалля. Мы прапануем яго адсвяткаваць у сядзібе “Стулы”.

Гаспадары сядзібы Ларыса і Аляксандр Быцко -  майстры гасціннасці. Іх хата – унікальны куток утульнасці ды спакою, мастацкага прастору і крэатыву.  Сядзіба знаходзіцца на ўскрайку Белавежскай пушчы, дзе сярод магутных лясоў жыве казка і беларуская душа.

Наша падарожжа  запланавана даўжэйшым і найцікавейшым. У гэты чароўны час хочацца нацешыцца і Сонцам, і добрымі стасункамі. Хочацца шмат адпачываць, шмат гулять, шмат часу радавацца, спяваць, смачна есці і проста не спяшацца. Што мы і будзем рабіць!

Падчас Купалля ўсе травы , уся расліннаць набывае чароўны і лекавы сэнс. Уся моц зямлі і сонца перадаецца праз кветачкі і лісце. Пад кіраўніцтвам  народнай майстрыцы Ірыны Коваль мы даведаемся пра розныя рэцэпты зёлкавай гарбаты і зробім свой магічны напой. І канешне, будзем рабіць купальскі вянок з саламянымі аздобамі. Гэты будзе шыкоўны абярэг і ўпрыгожванне любой прасторы.

У той жа вёсцы мы наведаем дом-музей Мікалая Тарасюка, нашага генія наіўнай скульптуры. Яго драўляныя фігуры, высечаныя сякерай, раскажуць нам пра жыццё гэтай вёскі і пра яе зніклых насельнікаў. (пабачыць фільм пра Мікалая)

Фото: Валерия Третьяк  

Белавежская пушча - гэта апошні дзікі лес Еўропы і сусветная спадчына ЮНЕСКА. Душа найстаражытнага ляснога масіва Еўропы - гэта не толькі звяры, птушкі і расліны, гэта яшчэ і людзі, якія там нараджаюцца, жывуць на сваёй роднай зямлі і чакаюць нас у госці, каб раскрыць таямніцы лясоў, падзяліцца сваімі традыцыямі, здзівіць і натхніць.

Нашым суправаджаючым па лясным і балотным сцежкам будзе фатограф дзікай прыроды, мясцовы жыхар і знаўца пушчы, гід дзікай прыроды - Саша Пекач. Разам мы пойдзем на сустрэчу са світанкам і пачаткам новага лятняга дня, сустрэнемся з дзікай прыродай і пачуем гісторыі аб дзікай прыродзе i пазнеёмімся з сапраўдным нізінным балотам Дзікае.

Стоимость:

Уключана ў кошт:
-Білеты на цягнік да Брэста і назад, трансфер да Стулоў
-Пражыванне ў аграсядзібе «Стулы»
-Два абеды, дзве вячэры і два сняданка (традыцыйная беларуская кухня)
-Наведванне дома-музея разьбы па дрэве Мікалая Тарасюка
-Майстар-класы па рамёствах
-Шпацыры па Белавежскай пушчы і мясцовасці