Калі і слухаць гісторыю стварэння Мінска - то толькі ў "Старым Менску" разам з Глебам Лабадзенка!

Адкрыйце для сябе неверагодны свет жыцця нашых продкаў 1000 гадоў таму! На аграсядзібе ў в. Гарадзішча звыш 500 экспанатаў Х- ХІ стагоддзяў, безліч найцікавейшых прадметаў і каштоўнасцей. Мы наведаем дзве экспазіцыйныя залы і замчышча, пройдземся шляхамі Усяслава Чарадзея  і ўспомнім урокі гісторыі.

Аграсядзіба “Стары Менск” знаходзіцца за 150 метраў ад Археалагічнага комплекса на рацэ Менка, замчышча Х стагоддзя, дзе пачынаўся і першыя два стагоддзі знаходзіўся Менск. Ужо 90 гадоў тут ідуць археалагічныя раскопкі, знойдзеныя тысячы экспанатаў. Яны даюць добрае разуменне ўсіх сфераў жыцця тагачасных людзей.

А яшчэ будзем натхняцца археалагічнымі знаходкамі шматлікіх упрыгожванняў нашых продкаў, каб зрабіць свае ўласныя пацеркі.

Фота: Скробат Вольгі

Фота: Ганны Селівончык

А далей мы знаёмімся з вядомай этнаграфіняй Ганнай Сілівончык, якая распавядзе ўсё пра цудоўны свет пацерак. Мы даведаемся пра віды ўпрыгожванняў, сімвалы і колеры, рэгіянальныя асаблівасці пацерак.

Вобраз беларускай жанчыны гістарычна цесна звязаны з прыгажосцю і сімволікай традыцыйных упрыгожванняў, сярод якіх пацеркі займалі асаблівае месца. Гэта не проста аздоба — гэта моцны культурны код, адлюстраванне эстэтычных ідэалаў і светапогляду. Пацеркі (мышкі, каралі) у беларускім строі выконвалі не толькі дэкаратыўную, але і абярэжную, сацыяльную функцыі. Іх насілі як дзяўчыны, так і замужнія жанчыны, часта перадаючы з пакалення ў пакаленне.

Мы паспрабуем зрабіць свою непаўторную аздобу і натхніцца прастатой і веліччу нашага беларускага скарба.

Кошт:

Уключана ў кошт:

• экскурсія па сядзібе-музею Стары Менск;
• лекцыя і майстар-клас;
• чаяванне