Напрыканцы чэрвеня надыходзяць самыя доўгія дні, самыя кароткія цёплыя ночы. Сонечныя прамяні грэюць ва ўсю моц і надаюць усяму наваколлю магутнасць.  Дзень летняга сонцастаяння беларусы здаўна адзначаюць святам Купалля. Мы прапануем яго адсвяткаваць у сядзібе “Стулы”.

Гаспадары сядзібы Ларыса і Аляксандр Быцко -  майстры гасціннасці. Іх хата – унікальны куток утульнасці ды спакою, мастацкага прастору і крэатыву.  Сядзіба знаходзіцца на ўскрайку Белавежскай пушчы, дзе сярод магутных лясоў жыве казка і беларуская душа.

Наша падарожжа  запланавана даўжэйшым і найцікавейшым. У гэты чароўны час хочацца нацешыцца і Сонцам, і добрымі стасункамі. Хочацца шмат адпачываць, шмат гуляць, шмат часу радавацца, спяваць, смачна есці і проста не спяшацца. Што мы і будзем рабіць!

Падчас Купалля ўсе травы , уся расліннасць набывае чароўны і лекавы сэнс. Уся моц зямлі і сонца перадаецца праз кветачкі і лісце. Пад кіраўніцтвам  народнай майстрыцы Ірыны Коваль мы даведаемся пра розныя рэцэпты зёлкавай гарбаты і зробім свой магічны напой. І канешне, будзем рабіць купальскі вянок з саламянымі аздобамі. Гэты будзе шыкоўны абярэг і ўпрыгожванне любой прасторы.

У той жа вёсцы мы наведаем дом-музей Мікалая Тарасюка, нашага генія наіўнай скульптуры. Яго драўляныя фігуры, высечаныя сякерай, раскажуць нам пра жыццё гэтай вёскі і пра яе зніклых насельнікаў. (пабачыць фільм пра Мікалая)

Дадаткова для нас гаспадары падрыхтавалі сапраўдны скарб – спектакль у стылі батлейка “Прыгоды ў абрадавым коле”. Разам з ім мы пройдзем у глыбіні часу, дзе жывуць беларускія легенды…

Мы пачуем шэпт продкаў, убачым магію старадаўніх абрадаў і станем сведкамі сапараўднага дзіва. У спеклаклі спалучаецца тэатр, этнаграфія і духоўнасць. Тут жывыя народныя спевы і танцы, аўтэнтычныя касцюмы і рэчы.

Спектакль – самы незвычайны. Акцеры-гаспарады граюць яго ў асаблівыя дні, у святы і вельмі сакральныя моманты беларускага жыцця. І купальскі час, ці як яго называюць мясцовыя - Грайны тыдзень, самы спрыяльны і найлепшы час для дзівос і дзіўнага спектакля.

Стоимость:

Уключана ў кошт:
-Білеты на цягнік да Брэста і назад, трансфер да/з аграсядзібы
-Пражыванне ў аграсядзібе «Стулы»
-Абед/вячэра/сняданак/абед (традыцыйная беларуская кухня)
-Наведванне дома-музея разьбы па дрэве Мікалая Тарасюка
-Майстар-класы па рамёствах
-Батлейка
-Шпацыры па Белавежскай пушчы і мясцовасці